بيروت- “القدس العربي”: على وقع الأحداث والتطورات المتعلقة بـ “طوفان الاقصى”، عبّرت الاعلامية اللبنانية ديما صادق عن تضامنها مع القضية الفلسطينية، وقالت “كإعلامية وكإنسانة واجبي وضميري يحتم علي أن أُسخّر صوتي وكل ما في مقدوري للدفاع عن حق الفلسطينيين وعدالة القضية الفلسطينية”، مضيفة “كمواطنة لبنانية، حقي وواجبي أن أطالب أن لا يجرّنا حزب الله إلى مغامرة جديدة من مغامرات “لو كنت اعلم”.
ووجّهت ديما رسالة عالية النبرة إلى الأمين العام لحزب الله حسن نصرالله، ذكّرته فيها بمقولته الشهيرة إبان حرب تموز/يوليو 2006 “لو كنت أعلم” في تحذير واضح من ضرورة عدم زجّ لبنان في أتون الحرب.
وخاطبته في رسالة عبر منصة “إكس” قائلة: “بالمناسبة يا سيد، بالـ 2006 “لم تكن تعلم، ومن الـ 2006 لليوم، يعني ب 17 سنة صرت تعلم شو ممكن يصير او لا؟”.
وأضافت: “إذا بعدك لا تعلم خلينا نعلمك: رح ينمحي الجنوب عن بكرة أبيه، رح تنهد الضاحية فوق ناسها، رح يصير في حركة نزوح غير مسبوقة بس حزار شو؟ حيكنش في محل يستقبل النازحين، لأن سوريا تلات ارباع اهلها مش طايقينك، واللبناني من الكحالة لخلدة لشويا لبيروت مش طايقينك، وأهل بيتك اللي اصلاً عم يصرخو بالسر ضدك من الجوع والشحار اللي وصّلتهن لاله رح يصرخو ضدك هالمرة بالعلن لما ترجع تتهدم بيوتهن فوق روسهن وروس ولادهن، ومش رح تقدر تراهن عالخليج يرجع يبنيلك الضاحية والجنوب بعد ما هتفت الموت لآل سعود وبعد ما ما خليتلنا صاحب يتطلع فينا”.
وختمت “مش رح يكون في عنا حدا يقدر يحكي عنا بالمحافل الدولية بعد ما قتلت رفيق الحريري وقضيت عـكل الطبقة اللي ممكن تمثلنا بالمجتمع الدولي، اللهم إلا إذا كنت معتمد عوزير الثقافة اللي هلل لمقتل سلمان رشدي هو اللي يشرح وضعنا للمجتمع الدولي”.
شوف. الظلم ظلم. اذا انا ضد ايران لانها ظالمة و محتلة، فهيدا ما حيخلليني للحظة غض النظر عن الظلم و القهر الاسرائيلي تجاه الفلسطيني لان هيدا بفيد مصلحتي. الظلم ظلم، و الموقف واحد من كل ظالم. بكلمة وحدة: انه الفلسطيني يكسر الغطرسة و العربدة الاسرائيلية فهذا خبر عظيم لمفهوم العدل .…
— Dima ديما صادق (@DimaSadek) October 8, 2023
