بيروت- “القدس العربي”: غالباً ما تثير الممثلة اللبنانية نادين نسيب نجيم الجدل بسبب تغريداتها وردودها القاسية على بعض المتابعين، وآخر فصول هذه الردود وصف نادين لمعلق يدعى زين ناصر الدين بأنه “زبّال”.

وكانت نادين غرّدت حول الزلزال وكتبت “هزة أرضية هلق صرلي من مبارح عم حس إنه في شي غريب وما نمت مبارح بالليل”، فعقّب عليها زين سائلاً “شو في شو عم تاكلي بالليل قبل ما تنامي؟”.

ندوش يا قلبي أول شي “زبّال” الشدة عال “ب” مش عالألف، تاني شي ما بعرف كيف فنانة عندها جمهور بتعتبر صفة “الزبّال” إهانة أو مسبة، أقل شي “الزبّال” بينضف الوسخ يلي افضالك بيكبوه بالطريق وهيدي الوظيفة يلي بيعيش منها بشرف بدون ما يضطر يمد إيده للزبالة يلي متلك
#عالمة_الجيو_خرائيات pic.twitter.com/MnAaoRXtFZ

— زين ناصرالدين (@zein_nasser_hak) February 20, 2023

وقد تسبّب هذا الوصف بتعرّض نادين لانتقادات واسعة أبرزها من الإعلامية ديما صادق التي كتبت: “ولو؟؟؟؟ ولو؟! ممثلة لبنانية بتستعمل مهنة “الزبال” كشتيمة؟!”. وأضافت “شيء مخزي جداً إنه يكون مستوى الوعي والإنسانية والشعور والثقافة متدني لهذه الدرجة عند أشخاص بأثروا بملايين المعجبين. طبعاً من المسلمات إنه ما في شي مهين بأي مهنة، المهين للجنس البشري إنه يكون في ناس يفكروا بهالطريقة”.

ولم يرُق تعليق ديما لنادين فأقدمت على تعليق قاس بحقها، إذ كتبت “حبيبتي ديما إنت معوّدة على المسبات والشتايم، بتحسّي حالك عندك قيمة. أنا ما معوّدة راسي ما بيحملني. هيك اتربيت خاصة إذا حدا اتطاول عليي بشكل كتير بشع. والزبّال هو يلي بكبّ وسخه وين ما كان ونفسيته وسخة. يلي بنظّف ما اسمه زبال وما بعيطله زبال لأنه بكون عم بجرحه هيك علّموني بالمدرسة”.

وفيما أيّد ناشطون موقف الممثلة، بينهم المخرج شربل خليل، الذي تتسم علاقته بالصادق بالتوتر، انتقدها آخرون، إذ قال لها المخرج لوسيان بو رجيلي “لكن بالمدرسة علّموك غلط”، وقال آخر “ديما بتحس عندها قيمة لأنها ما بتكست عن الحق ومحاطة بمجتمع ما بيعرف غير التجريح بالحكي لتسكيت أي انسان عامة وامرأة خاصة مثلك تماماً”. وعقّبت إحدى المتابعات على كلام نادين قائلة “شيلي ديما على جنب، الزلمي ما قلّك شي يهينك لحتى تردي عليه بالزبال”.

لكن بالمدرسة علموك غلط.. لأن هيدا هو تعريف الكلمة? بس لمعلوماتك العامة… pic.twitter.com/8P4mwi6SQW

— lucien bourjeily (@lucienbourjeily) February 22, 2023

حبيبتي ديما انت معودة على المسبات و الشتايم بتحسّي حالك عندك قيمة انا ما معودة راسي ما بيحملني هيك اتربيت خاصة اذا حدا اتطاول عليي بشكل كتير بشع . والزبّال هو يلي بكب وسخه وين ما كان و نفسيته وسخة . يلي بنظف ما اسمه زبال و ما بعيطله زبال لانه بكون عم بجرحه هيك علموني بالمدرسة. https://t.co/1tnJIIOGba

— Nadine Nassib Njeim (@nadinenjeim) February 22, 2023

يا ديما انتِ هيك عم تكبريلها شأنها، هي أصغر من انو حدا متلك يرد عليها.#ديما#حكي_صادق https://t.co/mZXGRly1g3

— زين ناصرالدين (@zein_nasser_hak) February 22, 2023