لندن- “القدس العربي”: بعد انتقاده لأداء الحكام في الدوري المصري، عقب، تعادل فريقه “بيراميدز” مع فريق الجونة، في الدوري المصري لكرة القدم، وجهت الراقصة الاستعراضية سما المصري، رسالة إلى تركي آل الشيخ، رئيس الهيئة العامة للرياضة في السعودية.
وفي حسابها على موقع “إنستغرام”، قالت المصري: “رسالة للشيخ تركي آل شيخ.. أنا اسمي سما المصري مش مها المصري… وأنت زعلان عشان اتحاد الكرة رد عليا وماردش عليك، وطالع تقول انهم بيردوا بس علي مها المصري”.
وأضافت المصري في رسالتها: “أولاً الاتحاد رد عليا عشان قدمت طلب رسمي لهم، وثانيا عشان الرأي العام كله طلب منهم يردوا. حضرتك اتفضل قدم لهم طلب رسمي زي ما أنا عملت وهم هيردوا عليك علطول”
وتابعت: “عندنا في مصر محدش أحسن من حد، ومحدش بيسقع لحد ولابيطنش طلبات حد، ممكن أي مؤسسة في البلد تتأخر في الرد علي طلبات الناس لكن في الآخر بيردوا. مؤسسات مصر مؤسسات محترمة”.
وأكملت: “اطلب من الاتحاد اللي أنت عايزه بطلب رسمي مش عبر شاشات التلفزيون وأوعدك هيردوا عليك، ولو ماردوش ابقى ابعته ليا وأنا أوصله ليهم وأوصيهم إنهم يردوا.. عندنا روتين وبطء صحيح في البلد كلها، بس في الآخر لك حق هتاخده زي أي واحد عايش في البلد دي عشان دي جمهورية مصر العربية”.
وأضافت الراقصة: “مصر فقيرة أه بس عندنا دم وكرامة وما يصحش تتكلم عن مؤسسات مصر بالشكل ده، أنت ضيف علي راسنا من فوق تكرم عشان خاطر السعودية وأهلها الكرام، لكن ماتجرحش فينا عشان بتدعم وتستثمر في الرياضة”، داعية متابعيها إلى تداول وسم #ردوا_علي تركي_آل_شيخ “عشان الاتحاد يرد عليه زيي عشان ما يزعلش”.
وكانت المصري تقدمت بطلب إلى اتحاد الكرة المصري لشغل منصب مدير المنتخب الوطني، وهو الأمر الذي عرضه على مدير الاتحاد المهندس هاني أبوريدة، في خطوة أثارت الجدل، وهو الأمر الذي اعتاد عليه الفنانة الاستعراضية بإثارتها موضوعات بعينها في البلاد.
وكان تركي آل الشيخ قد طالب السيسي، مساء الأربعاء، بالتدخل والنظر فيما يحدث بالدوري العام الممتاز لكرة القدم في مصر، وبصفة خاصة مع فريقه الذي امتكله مؤخراً تحت اسم نادي “بيراميدز”.
