القاهرة – «القدس العربي» : استجابت المطربة المصرية شيرين لدعوات جمهورها وجمهور عمرو دياب وكذلك إليسا، بضرورة الاعتذار عن اساءتها لهما في حفل زفاف كندة علوش وعمرو يوسف.
ونشرت عبر صفحتها الشخصية على موقع «إنستغرام»، رسالة صوتية تقدم فيها اعتذارا، وجاء نص الرسالة «على فكرة مفيش حد كبير على الغلط، أنا عايزة أوضح لك إن أنا كنت ساعتها بهزر، وكل واحد من اللي اتكلمت عليهم قيمته كبيرة عندي، وأنا كنت في حفلة خاصة، وكنت بهزر، لكن لما بطلع على (التي في) بدي لكل واحد قيمته، ومستحيل أتطاول على حد أيًا كان، حتى لو كان حد بيكرهني أو أنا بكرهه، مستحيل أطلع أهزء حد ولو تلاحظوا حتى في الفيديو أنا قايلة على نفسي وعلى أصالة، يعني أنا كمان غلطت فيا وفي أصالة، فأنا كنت ساعتها بهزر، وكنت مبسوطة، وفي حفلة خاصة يعني».
وأضافت شيرين، في رسالتها، قائلة: «في الآخر مفيش حد كبير على الغلط، ومفيش حد كبير على الاعتذار وأنا مش عايزة حد يزعل مني على فكرة، هرجع وأقولك تاني، أنا والله العظيم وحياة بناتي أنا نيتي ماكنش فيها أي حاجة وحشة، ولا أنا بقلل من شأن حد، أنا كنت بهزر، بدليل إني هزرت عليا وعلى أصالة اللي كانت موجودة، وقاعدة على نفس الترابيزة اللي أنا قاعدة عليها».
وكانت شيرين قد لمحت أثناء حضورها حفل زفاف كندة علوش وعمرو يوسف أن عمرو دياب صار كبير السن، ووجهت حديثها لإليسا قائلة «إحنا كله عندنا طبيعي ومفيش حقن» الأمر الذي أثار غضب جمهور الفنانين وجمهورها هي شخصيا وطالبوها بالإعتذار.