القاهرة ـ «القدس العربي»: حالة من الغضب الجماعي سجلها نشطاء مواقع التواصل الاجتماعي، عبر تغريداتهم المتوالية تعليقا على قرار حكومة المهندس محلب، رفع أسعار الطاقة والبنزين.
ودشن النشطاء ثلاثة «هاشتاغات» للتعبير عن ثورتهم وغضبهم لزيادة الأسعار، جاء الأول بعنوان «ارتفاع الأسعار»، والثاني بعنوان «ارتفاع أسعار البنزين»، والثالث بعنوان «غلاء البنزين».
وذكروا نشطاء تويتر الحكومة بانتفاضة كانون الثاني/يناير 1977، فيما سخر آخرون أن ساعة ركوب العجلة ستكون بـ100 جنيه بعد رفع أسعار البنزين، وقال الدكتور علاء «هو رفع المعاشات ورفع قصادها البنزين والأجرة يعني فلوسه بتطلع من جيبه عشان تدخل جيبه التاني».
وقال محمود عز « ياريت الرئيس والحكومة مينسوش انتفاضة 1977 بسبب تعريفه زياده على السكر وكنا لسه خارجين من حرب والشعب كله بيحب السادات واكد جمال انه بعد أزمة البنزين هتلاقي أسعار العجل ارتفع والتأجير هيكون بـ 100 جنيه الساعة .
وقال أحمد حسن «إحنا نركب المترو.. وأمرنا لله.. ده هيبقى مووووووت أكتر من الأول»، وقال محمد مصباح «مواطن1: صباح الخير.. مواطن2: أيام سودة.. مواطن1: بقول لحضرتك صباح الخير.. مواطن2: وأنا بقولك أيام سووووووودة».
وقال محمد سلامة «بدأت الشكاوى وعبارات السخط من ارتفاع الأسعار للمواد البترولية وتتزايد بشكل ملحوظ لكن الأسوأ هو زيادة أسعار المواصلات بشكل هيستيري مبالغ فيه»، وقال خالد ناجي «السيسي فاكر بجد أن إلى عنده عربية غني وممكن يتحمل رفع أسعار البنزين.. مايعرفش صاحبي اللي عنده عربية مهكعة بتوصله الشغل وهسيبها وينط في الأتوبيس».
وقالت فاطمة «رفع أسعار البنزين والسولار والغاز سيجبر قطاعا كبيرا من الشعب إلى معاداة السيسي وربما ينزل بعضهم إلى المظاهرات»، وقال أحمد حامد «هو يا جماعة رفع أسعار البنزين بس واللا كمان أسعار السلع زادت؟؟، وقال محمد يوسف « طيب اهو القرار طلع.. اظن المحافظ اللي ميعرفش يضبط أسعار المواصلات من المواقف يقعد في بيته احسن.
وقال سليم الهاجري «من الغباء ظنوا الرعاع أن رفع أسعار البنزين في رمضان توقيت مناسب لتعب الصيام عن المظاهرات.. إنـتـم فـي مـصـر»، وقال ياسر فتحي «رفع أسعار البنزين والسولار بنسبة مفيهاش عدل، هو دا وصول الدعم لمستحقيه»!
وقالت إيمان أمير «هنبدأ بقى في قطع الطرق وامتناع السائقين عن العمل اعتراضا على رفع أسعار البنزين ونفضل في نفس الدايرة اللي مابتخلصش أبدا !!ارحمونا يرحمكم الله»، وقالت مرام محمود «الناس اللي موافقة على قرار رفع أسعار البنزين بيفكروني بالإخوان اللي كانوا بينزلوا يدعموا القرار قبل ميعرفوه».
وقالت جيهان «رفع أسعار البنزين سيعود على الفقراء ويزيد معاناتهم من ينقذهم من وطن اعتاد البطش بهم»، وقال محمد سفن «حوار رفع أسعار البنزين ده مش هياكل أوي مع الناس في ناس مش دارية بجوانب الموضوع هتقولك وإحنا مالنا «الفئة اللي مبتركبش تاكسيات ولا عندها عربيات» إنما الناس هتتلسع وهتحس لما تلاقيها جات في الكهربا والغاز.
وسخر أحد النشطاء قائلاً «هو السيسي اتبرع بنص مرتبه وناوي يلم اضعافه من الشعب بطريقة تانية؟ فيما قالت شروق «البنزين غلى من هنا والزبادي ولع من هنا هنتسحر ايه احنا دلوقتي .. احنا بنحب السيسي والله يخربيتك يا «مرسي ولعت الاسعار».

منار محمد ومحمد عبد اللطيف