القاهرة ـ «القدس العربي» دشن نشطاء موقع التواصل الاجتماعي «تويتر» هاشتاغ يحمل عنوان «موافقين يا سيسي»، عبروا من خلاله عن ارتياحهم ورضائهم بخطاب الرئيس عبدالفتاح السيسي، الذي ألقاه امس الاول ، بمناسبة ذكرى العاشر من رمضان.
وقال احد النشطاء ويدعى سعد «يدمرون المنطقة العربية باسم الدين.. شوفوا خليفة المسلمين.. عندك حق يا سيسي كلامك حكم»، وقال محمود «خطاب رائع ياسيسي، من أيام البطل عبد الناصر مسمعتش خطاب قوي زي ده، ربنا معاك واحنا وراك، تحيا مصر»، وقالت هيام «وسيحكم التاريخ موافقين يا سيسي».
وقالت ملك «عشان ببساطة شديدة أي حد في مكانه مافيش قدامه غير حلين.. يا قرض يا رفع دعم.. الأول أسهل، التاني محتاج راجل يتحمل»، وقال سليمان «خطاب السيسي جدًا واضح، ترجمته الحرفية هي عزيزي المواطن شخلل عشان تعدي، والله جدًا عجبني، والله يحفظ مصر وأهلها»، وقال اشرف «مهما النور يقطع موافقين يا سيسي علشان خاطرك يا مصر».
وقال مصطفى «أنا كنت زعلان من رفع أسعار البنزين والسولار، بس آخر الخطاب فرحني لما قال الرئيس أنا حذرت من أكثر من سنة أن الإرهاب هينتشر في المنطقة، الإرهاب هينتشر في الدنيا، الكلام ده يهم المجتمع الدولي أمريكا وروسيا وأوربا والصين»، وقال مهاب «أقسم بالله لن تهدأ مصر إلا بإعدام الخونة والمتأسلمين موافقين يا سيسي على الإعدام معاك يا سيسي لآخر المشوار».
وقال حمدي «ياسيادة الرئيس انت رمانة الميزان للمنطقة»، وقالت ندى «الراجل طلع وفهمنا الخطر اللي احنا فيه..أظن بقى أي كلام تاني كلنا هنبقى عارفين النوايا بتاعته وبيتقال ليه وفي مصلحة مين»، وقال فرانكو»موافقين يا سيسي عشان لما أتجوز وأخلف أبقي مطمن على مستقبل أولادي من تعليم وصحة ومستوي كريم للمعيشة».
وقالت أميرة غريب «موافقين يا سيسي ومعاك لآخر نفس»، وقالت سحر»لأنك أول رئيس يواجه الناس بالحقيقة وفارق معاه مستقبل البلد أكثر من حاضر خداع موافقين يا سيسي»، وقال أحمد «موافقين يا سيسي أنا قولتها من الأول شوط يا سيسي واحنا معاك».
وقالت جميلة «أقوى ما في خطابك يا بطل، الدين يستخدم لتدمير الدول، حسبي الله ونعم الوكيل في كل من يستخدم الدين في تدمير العرب»، وقالت أسماء «أقسم بالله أنت بجد راجل محترم جدا وفخورة إني اختارتك»، وقال التونسي «من يعرف مصر جيدا سيدرك أن تأثير خطاب السيسي على الشعب المصري سيكون سحريا، أتحدث هنا عن المواطن العادي وليس عن إخوان ونشطاء وشذاذ أفاق»
وقال عزت فرحات»نتحمل عشان يكون فيه وطن.. موافقين ياسيسي»، وقال ميدو «الرجل قدم حياته.. ماله.. شعبيته، عشان خاطرك ياوطني.. موافقين ياسيسي»
وعلق محمد قائلا «إن الأهم في خطاب السيسي هو الشفافية والمصارحة، مش هنقدر نحل مشكلة إلا بمواجهة كل شيء متعلق بيها بالحقيقة وهنستنى منه إطلاق المشروعات اللي اتكلم عنها بعد رمضان وبسرعة كلامه لرجال الأعمال مهم بس الأهم إنهم لو ما مطلعوش اللي في جيوبهم بالتي هي أحسن يبقى في إجراءات تخليهم يدفعوا غصب عنهم عشان يعمل المشروعات الصغيرة والمتوسطة ويشغل الشباب والبلد تنتج بجد، خطابه لرجال الشرطة بمراقبة كل موقف وكل سوق نأمل إنه يتحقق، الخطاب في مجمله جيد جدا وخصوصا في التوقيت ده.»
وأضاف يحيى قائلا «إن هذا الخطاب نقطة فارقة في طبيعة العلاقة بين الشعب والسلطة في مصر، وقالت مي «خطاب السيسي هو خطاب لا تراجع ولا استسلام بين قوسين القابضة الدامية المختصر المفيد».

منار محمد