بيروت- “القدس العربي”:
مع اقتراب عيد الميلاد، عبّرت النجمة اللبنانية سيرين عبد النور بغصّة على كيفية مرور العيد على أطفال غزة الذين لن يحظوا بهدية العيد من بابا نويل.
وتعليقاً على رسم كاريكاتوري لبابا نويل بلباسه الأحمر وهو يفتّش بين الأنقاض عن الأطفال ليقدّم لهم الهدايا، ويسأل “في أطفال هنا؟ Any Kids here”، كتبت سيرين على منصة “إكس” ما يلي: “سانتا ما تعذّب حالك، أطفال غزة يللي استشهدوا طلعوا يعيدو كل الأعياد بسلام وأمان عند صاحب العيد”.
سانتا ما تعذب حالك اطفال غزة يللي استشهدوا طلعوا يعيدو كل الاعياد بسلام وأمان عند صاحب العيد https://t.co/GDCiwf4Slb
— Cyrine Abdelnour (@CyrineAbdlNour) December 17, 2023
وقد لقي تعليق سيرين تفاعلاً من المتابعين، وكتبت ياسمين: “عندك حق سيرين هذا زمن كله حروب وما في أي سلام والأطفال الملائكة ما بيعرفوا يعيشوا بهالزمن”.
وقالت آية داوود: “يا ريت كل هالفنانات بأخلاقك بس للأسف جملة واحدة تعبّر عن مشاعرن تجاه يلي عم بيصير ما في، لاحقين الحفلات والمصاري”.
وكانت سيرين نشرت صورة للصحافي في قناة “الجزيرة” وائل الدحدوح وهو يبكي مودعاً زميله سامر أبو دقة بعد وداع أفراد عائلته، وأرفقتها بتعليق جاء فيه: “يا وائل بعد عندك دموع؟ يا وجع قلبك شو صار كبير… الله يرحم سامر وكل شهيد ويحميك ويحمي الصحافة العربية الشريفة”.
